بسبوسة بالقشدة المطبوخة بمذاق رائع
المكونات:
- 140غرام سميدة رقيقة
- 110غرام فرص أو دقيق أبيض
- 70غرام كوك بودرة
- 10غرام خميرة الحلوى
- راس ملعقة صغيرة من البيكاربونات
- القليل من الملح
- 150غرام سكر كلاصي
- 3 البيضات كبار
- 180غرام زبدة ذائبة
- 120غرام حليب
- 1 ساشي فانيلا
- السيرو :
- 200غرام سكر سنيدة
- 250غرام ماء
- ملعقة من عصير حامضة
- ملعقة ماء ورد أو ماء الزهر
:الطريقة
- نجمعو النواشف ونخلطوهم.
- نطربو البيض مع السكر جيدا 6 دقائق ونضيفو النواشف على البيض اللي سبق لينا وطلعنا شوية بشوية بلا مانهبطو البيض.
- نخلطو الزبدة مذابة مع الحليب ثم نضيفه على الخليط الأول ونخلطو شوية.
- في مول مدهون بالزبدة نوضعو الخليط وندخلوه للفرن على 180 درجة ، ونخرجوه يبرد مزيان ثم نقطعوه على 2 بحال الجينواز.
- السيرو :
- فوق نار مهيلة نجمعو الماء و السنيدة وعصير الحامض مدة 10 دقائق .
- القشدة المطبوخة :
- 250غرام من الحليب أي رابعة من الحليب
- 45غرام مايزينا
- 80غرام سنيدة
- 240غرام ريكوتا
- 50غرام زبدة لينة
- ملعقة صغيرة من ماء الزهر أو فاني.
- في كاصرونة نخلطو الحليب مع مايزينا و السنيدة ونحركو جيدا ثم نضيفو الريكوطا ، ثم نضعه فوق نار مهيلة مع التحراك حتى يعقاد ثم نضيف الزبدة اللينة ونزيدو الزهر أو الفانيلا .
- نطحنو الخليط في الطحان الكهربائي .
- نقطع البسبوسة على 2 ونأخذ طبقة أولى من البسبوسة و تسقى جيدا بالشراب ثم طبقة جيدة من الكريما ثم الطبقة الثانية ونزينو بالبيسطاش والكوك و تقدم بالصحة و الراحة.