حشوة بسطيلة mixte
المكونات:
- 1كيلوغرام من الكروفيط منقي
- 1 كيلوغرام ونصف من صدر الدجاج مقطع
- 1كيلوغرام الا ربع كفتة
- 3 خيزويات محكوكين
- نصف كيلوغرام من البورو مقطع
- 3 من ضروس الثوم
- المعدنوس
- علبة من الفطر الأسود مرقد
- 90 غرام من الفيرمسال
- 200 غرام من الفرماج الأحمر محكوك
- علبة من فرماج الساندويش
- 3معالق كبيرة من القشدة الطرية للطبخ
- ضامة البنة ديال الدجاج
- ضامة البنة ديال البكري
- ضامة البنة حوت
- صلصة الصوجا و الزيت و الزبدة
الطريقة:
- نشحرو الكفتة مع الزبدة و الزيت و الملح و الابزار و ضامة البنة بنكهة البكري .
- نشحرو القمرون مع صلصة الصوجا و الزيت و الزبدة و الملح و الابزار و الفطر.
- نشحرو صدر الدجاج مع الملح و الابزار و الثوم و الهريسة و الربيع و سكينجبير طري وضامة البنة دجاج و نشحروه جيدا .
- نشحرو خيزو و البورو مع الزبدة و الزيت ونضيفو 3 ملاعق من القشدة الطرية للطبخ و نشحرو جيدا.
- الشعرية الصينية نرقدوها في الماء البارد 3 ساعات و نصفيوها ثم نزيدو ليها ماء القمرون اللي غادي يطلو لينا فاش شحرناه ، ضامة البنة حوت و الزيت الزبدة.
- في مول نوضعو ورقة البسطيلة ثم نفرشو حشوة الجزر و البورو ثم حشوة الدجاج ثم نعملو حكة من الفرماج ، نضيفو حشوة الكروفيط ثم طبقة الفيرميسال ثم الفرماج سندويش ثم حشوة الكفتة ونغطي بالفرماج مربعات و نغطيو بالورقة و نحمروها و نقدموها مزينة حسب الرغبة بالصحة و الراحة.